لالالا كفاية حرام عليك

**Admin** الجمعة أبريل 10, 2009 2:12 pm

مره واحد احول سجل في الجيش...... حطوه في قسم القصف العشوائي

صومالى ركبه عفريت العفريت مات من الجوع

مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون

مرة واحد بلدياتناوقع فى حفرة نزلولوا حبل طلع مخنوق

مرة 10 اغبياء بيلعبه على الطريق الصحراوى واللي تخبطة العربية مرتين يطلع برة اللعبة

ثلاثة قاعدين بيحششوا طب عليهم البوليس الاول جري والثاني طلع فوق السطح والثالث استخبه في البوكس .

مرة واحد محشش اتصل على بيت قال محمد موجود قالوا الرقم غلط قالهم... طيب

بتردوا ليه

مره كان في اتنين مساطيل قاعدين بيحششوا فا واحد بيقول للتاني انا شايفك اتنين

فالتاني بيقولوا لا انا الي شايفك تلاته فقالوا الاول لا انا الي شايفك اتنين

المهم قالوا خلاص احنا نروح لشيخ المساطيل فقال خلاص نروح لشيخ المساطيل فراحوا

وعرضوا عليه المشكله. فقالهم خلاص اصحاب المشكله يقعدوا على جنب والباقي ده

كولوا يروح

سكران بيقول سبحان الله الانسان زي البني ادم لما بيتوفى بيموت

اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله

دة باين مافيش حد.. قاله إزاى ده النور منور

واحد مسطول دخل مطعم وقال لصاحب المطعم عندك حلقات بصل قاله صاحب المطعم ايوه

فقاله ادينى الحلقه الاخيره

فار محشش قال : كل القطط تحت جزمتى لقى وراه قط اسود قال الا ابو سمره حبيبى

واحد سكران اتصل على مصر للطيران بيسأل الرحله من القاهره للندن هاتخد اد ايه

فرد عليه الاستعلامات وقاله: ثانيه واحده قاله السكران طب شكرا

مرة واحد توأم شاف اخوه، قلو انت فين من الصبح يخرب شكلك، امي خلتني استحما مرتين

قزم عطس..... راسه اتخبطت فى الارض

واحد كسلان اوى اتجوز واحده حامل

اثنين مديرين ... واحــد عــام ... وواحــد غـــرق

مره واحد اسمه مفتاح مات اهله مزعلوش عليه عشان عندهم نسخه غيره

واحده ست اشتركت فى من سيربح المليون جوزها طلقها عشان اتصلت بصديق

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه

لسه مولع من شوية

واحد أحول راح يجيب أبوه من المطار باس الشنطة وشال أبوه

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

بلديات فتح محل انابيب غاز .. فجّر اسطوانتين فى وسط البلد .. دعاية

ثعبان نظره ضعيف يوم ما حب واحده..... طلعت خرطوم

مجنون ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها