والله ماتستاهل

--------------------------------------------------------------------------------

وجاني العيد
بدون فرحه ولاضحكه
ولاقريب ولا صاحب
ولا حبيب يواسيني
يشيل عني
ويمسحلي دموع عيني
ويطبطب على كتافي
ويسقيني دوا شافي
ينسيني دموع أحزاني
ويديني أمل بكره
وأمل بعده
ف يوم كان الأمل ذكرى
يخلي الشوق يناديني
يشيل الحزن من قلبي
ونتلاقى على فرحه
وعلى ضحكه
تملى علينا دنيتنا
وتدبل زرع أحزاننا
تخلي الفرح ايامنا
لكن هو
هاجرني بقسوته دايما
راميني ف بحر نسيانه
وهجره منه تجيب قسوة
وأنزل دمعه ورا دمعه
وتموت الورده والزرعه
وفات العيد
وانا ف الوحده بتعذب
وبتألم
وغابت شمسي ف الدنيا
وماتت دنيتي فيا
وكتر الدمع ف عنيا