منتدى شله فى اى بى
مرحبا عزيزى الزائر ...المرجوا منك ان تعرف بنفسك وتدخل المنتدى معانا فلذلك يجب عليك ان تقوم بالتسجيل

اول قنبلة نووية فى التاريخ ..

اذهب الى الأسفل

اول قنبلة نووية فى التاريخ ..

مُساهمة  Admin في الخميس أبريل 09, 2009 4:28 pm

[color:2945="red"]
[center][b]تعرف ايه عن هيروشيما وناجازاكي؟

في الساعة الثامنة صباح يوم 6 أغسطس لعام 1945 .. بدأ عالم جديد تماما
عالم تحكمه قوة واحدة اسمها الولايات المتحدة الامريكية
عالم تحكمه قوانين الذرة .. والاعيب الاسلحة النووية

ايه اللى حصل الساعة 6 صباحا ؟
قامت امريكا بالقاء Little Boy على مدينة هيروشيما اليابانية
ولما بقول Little boy مابقولش ان امريكا رمت على اليابان عيل صغير .. وان كان عيل واحد مصري دلوقتي بعشرين من عيال امريكا اللى رمتهم على اليابان !!
Little Boy أو (الطفل الصغير) هو الاسم الكودي اللى اطلقته الولايات المتحدة الامريكية على اول قنبلة نووية تم اسقاطها على رؤوس 150 الف مدني ياباني ..
ليه قامت أمريكا بكده ؟
هنرجع لورا شوية وتحديدا ليوم 7 ديسمبر عام 1941 ..
أرتكبت اليابان غلطة غيرت مجري التاريخ بعد ماشنت هجوم مباغت على ميناء عسكري يعتبر هو القلب النابض للبحرية الامريكية واسمه (بيرل هاربور) ..
أمريكا قبل التاريخ ده بيوم واحد ماكانتش ضمن الدول المشاركة فى الحرب العالمية الثانية
واقتصر دورها على مساعدة الحلفاء ..
لكن اليابان اجبرتها على دخول المعمعة العالمية الكبري بهجومها ده
راح ضحية الهجوم الياباني 2403 جندي أمريكي واغراق و اتلاف 19 بارجة حربية و تدمير 188 طائرة
يذكر ان اليابان قامت بالهجوم ب 353 طائرة يابانية
ويذكر برضه انى اقول ان مارجعش لليابان طائرة واحدة !!
وده لسبب بسيط جدا
ان اليابانيين ماكانوش بيهاجموا باسلحة ،، كانوا بيهاجموا بطائرهم ذات نفسها
بمعني انه بيختار مكان يعجبه و يدخل بطائرته فيه ..



الهجوم ده اعتبره الجميع انه صفعة قوية على (قفا) الامريكان
لانه تقريبا عمل شلل كامل للبحرية الامريكية ..
هنرجع برضه بالتاريخ سنتين للخلف تحديدا عام 1939 ،،
لما أصدر الرئيس الامريكي فرانكلين روزفلت اوامره بتسهيل ابحاث انتاج اول قنبلة ذرية
وتولي رئاسة المشروع اللى تم اطلاق عليه اسم مشروع منهاتن .. لروبرت اوبنهايمر ..
قرار الرئيس الامريكي ده جه بعد رسالة بها عشرات الاكاذيب عن قدرات المانيا النازية النووية كتبها العالم الفيزيائي الامريكي الايطالي الاصل .. إنريكو فيرمي ووقعها العالم الالماني اليهودي البرت اينشتاين .. واضاف عليها عبارة ذكية جدا ( ان الالمان توقفوا عن تصدير اليورانيوم من مناجمه فى تشيكوسلوفاكيا التي كانت مستعمرة المانية فى التوقيت ده )...
وهنبقي نتعرض بتفصيل أكبر لما نعرض مشروع منتهاتن فى حلقة قادمة ...

---------------------------------------------

المدهش فى الامر و اللغط التاريخي الكبير
ان امريكا فى كل كتبها ودراساتها و حتي الفيلم اللى حمل اسم بيرل هاربور وقام ببطولته الممثل الامريكي بين أفليك .. وجدوا فى الهجوم الياباني على بيرل هاربور مبرر لقيامهم بالهجوم النووي على اليابان ..
العجيب فى الامر ان الهجوم على بيرل هاربور كما سبق و ان ذكرنا كان فى عام 1941
اما التصريح باستخدام الطاقة النووية ضد اليابانيين فكان في عام 1945 .. تحديدا فى 25 يوليو 1945
بواسطة الرئيس الامريكي هاري ترومان

الرئيس الامريكي هاري ترومان صاحب اول و اّخر قرار باستخدام السلاح النووي فى الحروب

ماكتفتش امريكا بضرب هيروشيما ..
بل انها قامت ايضا بالقاء قنبلة اخري على مدينة ناجازاكي اليابانية يوم 9 اغسطس اي بعد القاء القنبلة الاولي ب 3 أيام
الامر اللى دعي الامبراطور الياباني .. باعلان استسلام اليابان فورا دون قيد او شرط
- اسم الطائرة التي قامت بالقاء القنبلة على هيروشيما ( اليونا جاي) وبقيادة الطيار (بول تيبيتيس)
.. حاول الامريكان تزييف التاريخ بادعاء ان الطائرة وطاقمها كانوا ضمن الناجيين من بيرل هاربو .. لكن ده طبعا خيال مؤلفين عظام ..
- عدد قتلي قنبلة هيروشيما 80000 قتيل .. اما عدد الجرحي فكان 69000 قتيل !! تلوث المدينة بالاشعاع حتي مطلع التسعينات من القرن الماضي ..
- اما عدد قتلي ناجازاكي فلا داعي للكلام عنه لان المدينة قد محت و دمرت عن بكرة أبيها !!
لكن لمعلوماتك الشخصية كان العدد 75000 قتيل
- حتي الان لا يوجد سبب منطقي واحد لقيام الامريكان باستخدام قنبلتين نووتين خاصة ان الامبراطورية اليابانية بالفعل تحتضر ...
لكن السبب الذي تم اعلانه وقتها ان المقاتل الياباني مقاتل عنيد ولا يرخض بسهولة لذا كان لابد من ارسال رسالة قوية لليابانيين لاجبارهم على الاستسلام ..
وهو ماحاول الامريكان على مدار 62 عام مرت منذ القاء القنبلة على تغييره محاولين ربط حادثة بيرل هاربور بالقنبلتين وهو عذر اقبح من ذنب وده هعلق عليه فى اخر جملة بالموضوع ...
- وزن القنبلة الاولي ليتل بوي كان 4.5 طن
واحدثت دمار قدر ب 90% من مباني المدينة .. بالاضافة الي قوة تدميرية حرارية تعادل تدمير 20 طن من الديناميت
(10 طن ديناميت كافيين لتدمير مدينة حديثة كنيويورك على سبيل المثال)
أمتد اللهب فى دائرة قطرها 3 أميال
وتم تدمير كل مايقع على مدار ميلين من مركز التفجير اللى كان بالمنسبة فوق جسر ايووي بمسافة تقدر ب 800 قدم وكان من المفترض ان تنفجر على مسافة 1960 قدم ..

- انا بقي هجاوبلكم على السؤال التاريخي ؟ ليه امريكا استخدمت قنبلتين مش واحدة
لان ببساطة كان المشروع لسه منتهي وكان لابد من تجربته بشكل موسع
وطبعا مافيش احسن من المدنيين نجرب فيهم و الحجج و الاعذار الامريكية هتتخلق هتتخلق مافيش مشكلة العملية مسئلة وقت مش أكتر ..
ده سبب استخدام النووي من الاساس
اما سبب استخدام قنبلتين مش واحدة فهو للتجربة
لان الاولي كانت يورانيوم
اما الثانية فكانت بلوتونيوم


اّخر ملحوظة أحب اقولها
هي اننا هنعتبر جدلا ان امريكا قامت باستخدام النووي للرد على هجوم بيرل هاربور
وهو زي مانا قلت فوق عذر اقبح من ذنب
لان اليابان يوم ماحبت تهاجم الولايات المتحدة الامريكية قامت بضرب عسكريين خاصة و ان الميناء كان بيقدم المعونات للسوفييت فى حربهم ضد حربهم على اليابان عن طريق الصين وهو امر مشروع فى قوانين الحروب انك تضرب مصدر قوة عدوك ،،
لكن انك ترد على ضربة عسكرية بضربة نووية و تستهدف مدنيين
فدي مالهاش اي دلالة الا على الخسة و الندالة و القذارة والحقارة الامريكية على مر العصور
امريكا لغاية النهاردة بتصوت علشان 3000 واحد ماتوا فى تفجيرات مركز التجارة العالمي
طيب يارب تحسوا بقي باللي حس بيه اليابانيين لما مات منهم فى 3 أيام 160 الف مدني و تدمير حياة 80 الف اّخرين و نسف مدينتين مش برجين وشوية مكاتب !!
ويارب حكامنا العرب المتعاونين مع الامريكان يفوقوا !!


المصادر ..
- ويكيبيديا العربية .
- ويكيبيديا كومونز .
- وزارة الطاقة الامريكية .
- موقع جريدة النيو يورك تايمز .
- متحف الذرة القومي الامريكي .
- معلومات شخصية
avatar
Admin
مدير اداره المنتدى / زيدان المصرى
مدير اداره المنتدى / زيدان المصرى

عدد المساهمات : 844
نقاط : 2305
تاريخ التسجيل : 05/04/2009
الموقع : مصر

معاينة صفحة البيانات الشخصي للعضو http://alshela2009.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى